Ախ ձվեր, ձվեր…

Ամանորի տոներից հետո տրվող թոշակները ստանալուց անմիջապես հետո սյունեցիները շտապում են խանութներ` փակելու պարտքերը: Բանն այն է, որ Նոր տարվա ճոխ սեղաններ պատրաստելու համար սյունեցիներից շատերը խանութներից առանց փողի են գնումներ արել՝ գրանցվելով այսպես ասած «պարտքերի տետրում»: Ի դեպ, Հայաստանի ամենահեռավոր մարզում այս օրերին 1 կգ խնձորի գինը 250-300 դրամից դարձել է 650-900 դրամ, 1լ կաթը 240-ից դարձել է 350 դրամ: Խոզի մսի կիլոգրամը 2500 դրամ է, տավարինը` 2800 դրամ. իսկ տնական մեկ ձուն 100 դրամ արժե: Ամանորի զեղչերը այդպես էլ սյունեցիները չեն նկատել: