ԱՄՆ բարձրաստիճան ռազմական պաշտոնյան ասել է, որ Սիրիայի ներքին գործերին միջամտելը «շատ դժվար» կլինի, և նաև ավելացրել է, որ խելամիտ չի լինի երկրի ընդդիմադիրներին զենքով ապահովելը:
AFP-ն հաղորդում է, որ գեներալ Մարթին Դեմփսին CNN-ին ասել է, որ Սիրիան Մերձավոր Արևելքի մրցակցող պետությունների` հատկապես Իրանի և Սաուդյան Արաբիայի ուշադրության կենտրոնում է և տարբեր խնդիրներ կարող է առաջացնել ԱՄՆ-ի համար:
Դեմփսին հարցազրույցի ժամանակ ասել է, որ խելամիտ չի լինի ընդդիմությանը այժմ զինելը, քանի որ ոչ ոք չի կարող ասել, թե ովքեր են կազմում Սիրիայի ընդդիմությունը:
Ըստ գեներալի՝ ոչ մի ապացույց չկա, որ «Ալ-Կաիդա»–ն ներգրավված է այս ամենում, և որ նրանք հետաքրքրված են ընդդիմությանն աջակցություն ցուցաբերելու հարցով: