9/11 ահաբեկչության հետ կապեր ունենալու մեջ մեղադրվող Սաուդյան Արաբիայի քաղաքացին աշխատում է Լոնդոնի արաբական նավթային ընկերության մասնաճյուղում:
Daily Mail-ի հաղորդմամբ՝ 38-ամյա Աբդուլազիզ Ալ-Հիջին աշխատում է Saudi Aramco-ի եվրոպական մասնաճյուղում և ապրում է ճոխ կյանքով:
Նա ԱՄՆ Ֆլորիդա նահանգից հեռացել էր 2001 թվականի սեպտեմբերի 11-ի ահաբեկչությունից միայն մի քանի շաբաթ առաջ:
Հետաքննության արդյունքում պարզվել էր, որ ահաբեկիչներից երեքը այցելել էին Ալ-Հիջիի բնակարան:
Դաշնային հետաքննությունների բյուրոն հանել էր նրա վրայից մեղադրանքը, սակայն նախկին սենատոր Բոբ Գրահամն ասելէ, որ տեսել է երկու գաղտնի փաստաթուղթ, որոնք հակառակն էին ապացուցում:
Ալ-Հիջին հայտնել է, որ ոչ մի կապ չունի ահաբեկչության հետ և ընդհանրապես կապ չունի այն մարդկանց հետ, ովքեր կանգնած են այդ հանցագործության ետևում:
