WikiLeaks կայքը, որը վերջերս հայտնի է դարձել նրանով, որ հրապարակում է ԱՄՆ արխիվներից ձեռք բերված գաղտնի փաստաթղթերը, մոտ 400 հազար նմանատիպ փաստաթուղթ է կրկին տեղադրել իր կայքում: Դրանք մեծ մասամբ վերաբերում են Իրաքի պատերազմին եւ ընդգրկում են 2004թ. հունվարի 1-ից մինչեւ 2009թ. դեկտեմբերի 31-ն ընկած ժամանակահատվածը:
Փաստաթղթերում ասվում է, որ այդ ժամանակահատվածում Իրաքում սպանվել է ավելի քան 109.000 մարդ, որոնցից 66.000 խաղաղ բնակիչներ են եղել: Այսինքն միջինն օրական սպանվել է 31 մարդ: Այս թվերը շատ ավելին են, քան պաշտոնական վիճակագրությունն է ներկայացնում: Կան նաեւ փաստաթղթեր, որոնք ապացուցում են, որ ամերիկյան զինվորական ղեկավարությունը հրաման է արձակել չքննել այն հանցագործությունները, որոնք իրականացրել են իրաքյան ոստիկաններն ամերիկյան վերահսկողության տակ գտնվող տարածքներում: Ոստիկանությունն այդ գործողություններն իրականացրել է` ահաբեկչական կամակերպությունների վերաբերյալ անհրաժեշտ տեղեկություններ ստանալու համար: Ոստիկանության ամենաթողությունը կոծկվել է ամերիկացիների կողմից:
Պաշտոնական Վաշինգտոնն արդեն հայտարարել է, որ հրապարակված փաստաթղթերը կվտանգեն ԱՄՆ այն զինվորականների կյանքը, որոնք շարունակում են ծառայություն իրականացնել Իրաքում եւ Աֆղանստանում: Նույնաբովանդակ փաստաթղթեր WikiLeaks-ը հրապարակել էր հունիս ամսին, եւ դրանք վերաբերում էին ամերկյան զորքերի գործողություններին Աֆղանստաում: