Փետրվարի 11-ին վախճանված փոփ երգչուհի Ուիթնի Հյուսթոնի հրաժեշտի արարողությունը տեղի կունենա այսօր՝ Հյուսթոնի հայրենի Նյուարք քաղաքում (Նյու Ջերսի):
Նահանգապետի խոսքերով՝ Նյու Ջերսիում այսօր կիջեցնեն ազգային դրոշները. նման պատվի արժանանում են միայն մահացած քաղաքական գործիչները:
Հոգեհանգստի արարողությունը Հյուսթոնի ընտանիքի ցանկությամբ տեղի կունենա «Նոր հույս» (New Hope) բապտիստական եկեղեցում, որտեղի երգչախմբում մանկության տարիներին երգել է Ուիթնին:
Արարողությանը ելույթ կունենա հայտնի երգչուհի և ընտանիքի բարեկամ Մերվին Ուայնեսը, ինչպես նաև Ութնիի երաժշտության առաջին ուսուցիչ Քլիվ Դևիսը, հայտնի երգիչներ Սթիվի Ուանդերը, Ալիսա Կիսը, Արետա Ֆրենքլինը և այլք:
Եկեղեցում անցկացվող հոգեհանգստին կարող են ներկա գտնվել միայն երգչուհու հարազատները և 1500 պաշտոնապես հրավիրված անձինք՝ երգչուհու նեղ շրջապատից: Արարողությանը ներկա կլինի նաև երգչուհու նախկին ամուսինը՝ Ուիթնի Բոբի Բրաունը:
Երգչուհու հարազատները չեն անցկացնի ավանդական հուղարկավորության արարողություն, քանի որ նրանք ցանկացել են առանձին կիսել իրենց վիշտը: Նյուարքի ոստիկանությունը զգուշացրել է, որ եկեղեցու բոլոր մուտքերը փակ կլինեն կողմնակի անձանց համար: Հոգեհանգստի արարողությունը կցուցադրվի ուղիղ հեռարձակմամբ:
Հիշեցնենք, որ Ուիթնի Հյուսթոնի անշունչ մարմինը հայտնաբերվեց փետրվարի 11-ին «Բևերլի Հիլթոն» հյուրանոցի լոգարանում: Հյուսթոնի մահվան պաշտոնական պատճառն առայժմ հայտնի չէ: