ИТАР-ТАСС-ի փոխանցմամբ՝ Ֆինլանդիայի արտգործնախարար Էրկի Տուոմիոյայան, ելույթ ունենալով Բրուքինգսի ինստիտուտում կազմակերպված սեմինարում, հայտարարել է, որ Թուրքիան պետք է անդամակցի ԵՄ-ին: Սեմինարը նվիրված է եղել Եվրոպայում մուսուլմանական համայնքերի ձուլմանը:
Արտգործնախարարը հավելել է, որ իր երկիրը և անձամբ ինքը աջակցում են ԵՄ-ին Թուրքիայի անդամակցությանը՝ ընդգծելով, որ ԵՄ-ի չափորոշիչներին Անկարայի համապատասխան լինել-չլինելու հարցը պետք է վճռվի «օբյեկտիվ հենքի» վրա: Նա ԵՄ-ին Թուրքիայի անդամակցելը որակել է որպես «ռազմավարական հարց»:
Նշվում է, որ Ֆինլանդիայում մուսուլման բնակչության քանակը կազմել է 1 տոկոս:
Հիշեցնենք, որ 1999 թվականի դեկտեմբերի 10-ին ԵԽ-ի` Հելսինկիում տեղի ունեցած գագաթնաժողովում Թուրքիային շնորհվեց ԵՄ-ին անդամակցելու թեկնածու երկրի կարգավիճակ:
2004 թվականի դեկտեմբերին Բրյուսելում անցկացված ԵԽ համաժողովում միաձայն որոշվեց Թուրքիայի հետ բանակցություններ սկսել 2005 թվականի հոկտեմբերի 3-ին: Այդ օրը ԵՄ անդամ երկրները, Լյուքսեմբուրգում երկարատև քննարկումներից հետո, ընդունեցին Թուրքիայի հետ բանակցություններ սկսելու որոշում:
Ներկայումս ԵՄ-ին Թուրքիայի անդամակցելու հարցում եվրոպական երկրներին պետք է բաժանել 3 խմբի. այդ գործընթացի կողմնակիցներ (Մեծ Բրիտանիա, Իտալիա և այլն), հակառակորդներ (Գերմանիա, Ֆրանսիա, Կիպրոս և այլն) և չկողմնորոշվածներ (Դանիա և այլն):
