Ինչպես երեկ հայտարարել է ԱՄՆ պետքարտուղարության պաշտոնական ներկայացուցիչ Վիկտորյա Նյուլանդը, ԱՄՆ-ում չեն կարծում, թե Ռուսաստանը Սիրիայի բարեկամն է: Այս մասին Նյուլանդն ասել է` պատասխանելով լրագրողի այն հարցին, թե արդյոք անհրաժեշտ չէ՞ Ռուսաստանն էլ ընդգրկել «Սիրիայի ժողովրդի բարեկամներ» խբի մեջ: Այս մասին հաղորդում է Associated Press գործակալությունը:
«Դուք պետք է լինեք Սիրիայի ժողովրդի ընկերը: Իսկ որպեսզի դուք հրավիրված լինեք այդ կոնֆերանսին, իսկ հրավիրվածներ շատ են լինելու, պետք է լինել այնպիսի երկիր, որը գործով և խոսքով է աջակցում Սիրիայի ժողովրդին, հատկապես աջակցում է ՄԱԿ-ի գլխավոր ասամբլեայի բանաձևը և Արաբական լիգայի ծրագրերը: Չինաստանը չի մտնում այդ երկրների մեջ, Ռուսաստանը` նույնպես»,- ասել է Նյուլանդը` հավելելով, որ երկրների ընտրությունը կատարվում է համատեղ` ընդունող կողմի (Թունիս), ԱՊԼ-ի, տարածաշրջանային կազմակերպությունների մասնակցությամբ:
Հիշեցնենք, որ Չինաստանը և Ռուսաստանը դեմ են արտահայտվում ՄԱԿ-ում Սիրիայի հարցով ԱԽ-ում շրջանառվող բանաձևերին` նշելով, որ դա միջամտություն է Սիրիայի ներքին գործերին: