Հայաստանի գլխավոր դատախազի հրամանով 2012 թվականի փետրվարի 17-ին համակարգից հեռացվել է Արմավիրի դատախազության դատախազ Դավիթ Բարոյանը:
«Առաջին լրատվական»-ը ՀՀ գլխավոր դատախազության պաշտոնական կայքէջից տեղեկանում է, որ 2012 թվականի փետրվարի 17-ին ստացվել է ահազանգ Արմավիրի մարզի դատախազության աշխատակցի կողմից դատախազին ոչ հարիր վարքագիծ դրսևորելու վերաբերյալ, ինչը հաստատվել է:
Պարզվել է, որ Արմավիրի դատախազության դատախազ Դավիթ Բարոյանը 2012 թվականի փետրվարի 16-ի լույս 17-ի գիշերն ընկերոջ հետ միասին գնացել է իր բնակության վայրին մոտ գտնվող գիշերային ակումբ, որտեղ չարաշահել է ալկոհոլը և թույլ տվել դատախազին ոչ հարիր վարքագիծ:
Այդ հանգամանքը հաստատել է նաև Դավիթ Բարոյանը և զղջացել կատարվածի համար:
