ԱՄՆ հայաբնակ վայրերում ճանապարհային գծանշումներն արդեն հայերեն են

ԱՄՆ տարբեր քաղաքներում, կախված այն բանից, թե այդ քաղաքում այս կամ այն ազգության որքան բնակչություն կա, ճանապարհային գծանշումներն ու այլ զգուշացնող նշանները գրում են նաև տվյալ ազգության լեզվով: Օրինակ՝ քաղաքային տրանսպորտում հաճախ կարելի է լսել իսպաներեն, չինարեն, ճապոներեն հայտարարություններ:
Վերջերս Լոս Անջելոսի վարչական շրջաններից մեկում` Գլենդել քաղաքում, որը հայերով բնակեցված ամենախիտ բնակավայրերից է, ճանապարհային գծանշումները սկսել են կատարել նաև հայերեն, քանի որ տեղի բնակչության մի զգալի հատված դժվարությամբ է խոսում անգլերեն կամ ընդհանրապես չգիտի այդ լեզուն: