Ամերիկյան հայտնի «Ring» ամսագիրը ներկայացրել է աշխարհի 100 լավագույն բռնցքամարտիկներին: Մենի Պակյայոն, Ֆլոյդ Մեյվեզերը և Խուան Մանուել Մարկեսը պահպանել են իրենց տեղերը լավագույն հինգյակում: Սերխիո Մարտինեսը 2010 թվականին տարած երկու վառ հաղթանակների շնորհիվ մեծ թռիչք է կատարել` 71-րդ հորիզոնականից հասնելով 3-րդ տեղ: Հայազգի Արթուր Աբրահամն ամենամեծ անկումներից մեկն է ունեցել. 13-ից նահանջել է 66-րդ հորիզոնական: Մեր մյուս պրոֆեսիոնալ բռնցքամարտիկ Վիկ Դարչինյանը անցյալ տարվա համեմատ 6 տեղով բարելավել է իր արդյունքը և այժմ 47-րդն է:
Ըստ «Ring» ամսագրի` լավագույն տասնյակն ունի հետևյալ տեսքը.
1. Մենի Պակյայո` 52-3-2 (КО38)
2. Ֆլոյդ Մեյվեզեր` 41-0 (КО25)
3. Սերխիո Մարտինես` 46-2-2 (КО25)
4. Խուան Մանուել Մարկես` 52-5-1 (КО38)
5. Նոնիտո Դոներ` 25-1 (КО17)
6. Փոնգսաքլեք Վոնջոնգկամ` 77-3-1 (41)
7. Ֆերնանդո Մոնտիել` 44-2-2 (КО38)
8. Վլադիմիր Կլիչկո` 55-3 (КО49)
9. Թիմոթի Բրեդլի` 26-0 (КО11)
10. Խուան Մանուել Լոպես` 30-0 (КО27)