Կայացավ Euro 2012 հերթական տուրը. B խումբ

Կարելի է վստահությամբ ասել, որ Հայաստանի հավաքականի խմբում խաղերի ավարտից հետո գրանցվեց1.5 անակնկալ: Սլովակիայի հավաքականը Հայաստան էր ժամանել խմբի առաջատարի դերում` նախորդ տուրում Մոսկվայում 0:1 հաշվով հաղթելով Ռուսաստանի հավաքականին: Բացի այդ, Սլովակիայի հավաքականն իր ողջ պատմության ընթացքում վերելքի վրա է գտնվում եւ B խմբում ունի ՖԻՖԱ-ի դասակարգման ամենաբարձր վարկանիշը: Սակայն Հայաստանի հավաքականը, որը խաղից խաղ ավելի վստահ է հանդես գալիս, կարողացավ գեղեցիկ ոճով հաղթել Սլովակիայի հավաքականին 3:1 հաշվով, որից հետո անչափ հետաքրքիր է դարձել պայքարն այս խմբում: Խմբի ետնապահների խաղում Մակեդոիան ուժեղ էր Անդորրայից, որին արագնա խաղում հաղթեց 0:2 հաշվով:
Իսկ Դուբլինում կայացած Իռլանդիա-Ռուսաստան խաղն անչափ լարված ստացվեց, եւ կարելի է ասել, որ գրանցվեց անսպասելի հաշիվ` 2:3 հաշվով հաղթեցին հյուրերը: Ընդ որում` ռուսական թիմը խաղի 60-րդ րոպեին հաղթում էր 3:0 հաշվով, սակայն իռլանդական պրեսինգի արդյունքում կարող էր եւ վաստակել ընդամենը մեկ միավոր: Ի վերջո, խաղն ավարտվեց 2:3 հաշվով, ինչի արդյունքում միանգամից 3 թիմ` Իռլանիդա, Ռուսաստան, Սլովակիա, ունեն 6-ական միավոր, իսկ Հայաստանի եւ Մակեդոնիայի հավաքականներն ունեն 4-ական միավոր: