Ինչպես հաղորդում է Hurriyet-ը, երեկ երեկոյան ազգությամբ թուրք հանցագործը փորձել է առևանգել Turkish Airlines ավիաընկերության ինքնաթիռը, որը ուղևորվում էր Օսլոյից Ստամբուլ: Boeing 737-800 ինքնաթիռում եղել են 59 ուղևոր և անձնակազմի 7 անդամ: Հանցագործը դիմակով փակել է դեմքն այն պահին, երբ ինքնաթիռն անցնելիս է եղել Բուլղարիայի տարածքի վրայով, ապա թուրքերենով հայտնել, որ ինքնաթիռում պայթուցիկ նյութ կա և պահանջել էվերադառնալ Օսլո, որտեղից սկսվել է թռիչքը:
Սակայն չկայացած ահաբեկչին վնասազերծել են ազգությամբ շվեդ և թուրք երկու ուղևոր:
Ոչ մի պայթուցիկ ինքնաթիռում չի հայտնաբերվել, իսկ հարցաքննության ժամանակ պարզ է դարձել, որ ահաբեկիչն ունի հոգեկան խանգարումներ: Նրան տեղափոխել են Ստամբուլի հիվանդանոցներից մեկը` բժիշկների եզրակացությունը ստանալու համար: