Ամերիկացի Դենիէլ Քովարտը ստիպված կլինի 14 տարի անցկացնել բանտում` 2008թ. նախագահի թեկնածու Բարաք Օբամայի դեմ մահափորձ կամակերպելու համար: Երկու տարի առաջ Թենեսի նահանգի բնակիչ 20-ամյա Քովարտը իր ընկերոջ` 18-ամյա Փոլ Շլեսելմանի հետ որոշել էին սպանել ավելի քան 102 աֆրոամերիկացու: Դրանից հետո նրանք պատրաստվում էին սպանել նաեւ Օբամային: Այս տարվա մարտին Քովարտն ընդունել է իր մեղքը եւ ներողություն է խնդրել ինչպես աֆրոամերիկացիներից, այնպես էլ Օբամայից: Նրա ընկերն արդեն ստացել է 10 տարվա ազատազրկում:
Դատավարության ժամանակ նրանք խոստովանել են, որ սպանությունը պատրաստվում էին իրականացնել ընտրություններից երկու շաբաթ առաջ: Բայց մինչ այդ նրանք ծրագրել էին սպանդ իրականացնել Թենեսի նահանգի դպրոցներից մեկում` սպանելով 88 աֆրոամերիկացու եւ կտրելով 14-ի գլուխը: Նրանք իրավապահների ձեռքում են հայտնվել այն ժամանկ, երբ փորձել են զենք գնել:
