Ինչպես հաղորդում է Associated Press գործակալությունը, Աֆղանստանում անվտանգության աջակցման միջազգային ուժերը (ISAF) 2010թ. կորցրել են 700 զինվորական: Ըստ ՆԱՏՕ-ի ղեկավարության, դա ամենամեծ կորուստն է անցած 10 տարիների գործողությունների ընթացքում:
Ընդհանուր առմամբ պատերազմի ընթացքում ՆԱՏՕ-ն կորցրել է 2,300 զինվորական:
Շատ փորձագետներ կարծում են, որ թեպետ ՆԱՏՕ-ին հաջողվել է կանխել շատ քաղաքների գրավումը Թալիբանի կողմից, այդուամենայնիվ, կոալիցիոն ուժերը չեն կարողանում երկրում վերահսկողություն հաստատել:
Հատկապես դա վերաբերում է երկրի հյուսիսային շրջաններին, որոնք սահմանակից են Պակիստանին: Հենց այստեղ են ավելի մեծ թվով զինվորականներ զոհվում, տեղի են ունենում պայթյուններ, հարյուրավոր խաղաղ բնակիչներ զոհվում են գրոհայինների հարձակումներից, ինչը հանգեցնում է տեղի բնակչության մեջ հակաարևմտյան տրամադրությունների մեծացմանը: