ՀԱԵ Շիրակի թեմի առաջնորդ Միքայել եպիսկոպոս Աջապահյանը, շնորհավորելով Սուրբ Ծնունդը, ժողովրդին ցանկացավ Սուրբ միություն, առողջություն, հաջողություն, բարեկեցություն, հոգևոր և նյութական առողջություն և այլն: Անդրադառնալով Սուրբ Ծննդյան տոնի` մեզանում դրա գիտակցությանը, դրա ըստ արժանվույն տոնելուն` Միքայել եպիսկոպոս Աջապահյանը գնահատել է բավարար: Ըստ նրա`արդեն կամաց-կամաց վերադառնում ենք տոներին, նախկինում ընդհանրապես չկար դրա ավանդույթը: «Գյումրիում եւս այս առումով շատ մեծ առաջընթաց կա, բայց բավարար չէ, պետք է ձգտել իդեալականին»,- ասում է Միքայել եպիսկոպոսը: Քսան տարի պահանջվեց բավարար մակարդակի հասնելու համար, հնարավո՞ր է քսան տարի հետո արդեն լավ վիճակ ունենանք հարցին, պատասխանեց` գուցե, սակայն իդեալականին չենք հասնի, դա անհասանելի է, բայց պետք է ձգտել դրան: Իսկ մեզանում Հարության տոնի ավելի ընդունված լինելը Միքայել եպիսկոպոսը պայմանավորում է արևելյան սովորությամբ. Զատիկը պետք է ավելի մեծ լինի, քան Սուրբ Ծնունդը, իսկ արևմուտքում Սուրբ Ծնունդն է ավելի մեծ, քան Զատիկը: «Արևելյան-արևմտյան ավանդույթի հարց է, մենք արևելյան ենք, չէ՞»: