Ինչպես հայտարարել է ԱՄՆ Պետդեպարտամենտի պաշտոնական ներկայացուցիչ Վիկտորյա Նուլանդը, ԱՄՆ–ն անհանգստացած է աշխարհում բռնության աճով, որն իր արտացոլումը գտավ Բանգկոկում և Դելիում տեղի ունեցած պայթյուններում, ինչպես նաև՝ Թիֆլիսում ահաբեկչություն կազմակերպելու փորձում:
«Մենք դատապարտում ենք Թայլանդի ահաբեկչությունը: Այդպիսի բռնությունները վերջին ժամանակներս հաճախակի են դարձել: Այդ գործողությունների մի մասը կապված է Իրանի հետ»,- ասել է Նուլանդը:
Հիշեցնենք, որ Բանգկոկում տեղի ունեցած պայթյունների հետևանքով Թայլանդի չորս քաղաքացի էր վիրավորվել, տուժել էր նաև մեկ իրանցի:
Իրանի երկու քաղաքացիներ ձերբակալվել էին ահաբեկչություն կազմակերպելու կասկածանքով: