ԲՀԿ-Ռ. Քոչարյան միջնորդավորված փոխգործակցություն կա: «Առաջին լրատվական»-ի հետ զրույցում նման տեսակետ հայտնեց քաղաքագետ Ալեքսանդր Մարկարովը`խոսելով Վ. Օսկանյանի ԲՀԿ հնարավոր անդամակցության շուրջ: Ըստ նրա` շրջանառվող այն լուրերը, թե Վ. Օսկանյանը տեղ կզբաղեցնի ԲՀԿ համամասնական ցուցակում՝ այնքան էլ անհիմն չէին`հաշվի առնելով լրատվամիջոցներում տարածված այն հաղորդագրությունը, ըստ որի Վ. Օսկանյանը ԲՀԿ անդամակցության դիմում է ներկայացրել:
«Ենթադրությունները և տեղեկությունները, որոնք վերաբերում են ԲՀԿ-Քոչարյան միջնորդավորված փոխգործակցությանը, նույնպես անհիմն չեն: Առայժմ այս խոսակցությունները ենթադրություններ են, միգուցե ենթատեքստերով, բայց բոլոր դեպքերում միջնորդավորված կապը երևում է: Հարց է առաջանում, ինչո՞ւ է այս ամենն արվում միջնորդավորված, այլ ոչ անմիջական ձևով»,- եզրափակեց իր խոսքը քաղաքագետը:
Նշենք, որ այսօր լրատվամիջոցներով հաղորդագրություն է տարածվել, որ ՀՀ նախկին ԱԳ նախարար Վարդան Օսկանյանը դիմում է ներկայացրել «Բարգավաճ Հայաստան» կուսակցությանն անդամակցելու նպատակով: