Սոցիոլոգ Գևորգ Պողոսյանը կարծում է, որ Հայ ազգային կոնգրեսը նախապես հայտարարված հանրահավաքը (այն պետք է տեղի ունենար փետրվարի 17-ին) հետաձգել է ընտրությունների նախաշեմին ռազմավարական նոր մոտեցումների մշակման պատճառով: Այս մասին նա ասաց «Առաջին լրատվական»-ի հետ զրույցում:
«ՀԱԿ-ին, երևի, ժամանակ է պետք, որ փորձի վերանայել իր մոտեցումները: Ընտրությունները բավական բարդ են լինելու: Իհարկե, Հրազդանում տեղի ունեցած քաղաքապետի ընտրություններում Սասուն Միքայելյանի տարած հաղթանակի դեպքում ՀԱԿ-ն ասելիք կունենար, և հաղթանակը ՀԱԿ-ին նոր թափ կհաղորդեր»,- ամփոփեց սոցիոլոգը:
Նշենք, որ ՀԱԿ-ը հետաձգել է նախապես փետրվարի 17-ին նշանակված իր հանրահավաքը: Այն տեղի կունենա մարտի 1-ին:
