Իտալիայում սառույցի ու հալոցքի պատճառով քանդվել են Կոլիզեումի վերին հատվածի ֆրագմենտները: Այս մասին այսօր գրել է La Repubblica պարբերականը:
Ամֆիթատրոնը, որը հանգստյան օրերին փակ էր զբոսաշրջիկների համար, կբացի իր դռները նրանց առաջ հինգշաբթիից ոչ շուտ:
Վտանգ են ներկայացնում ոչ միայն պատերի առանձին կտորների քանդվելու հավանականությունը, այլև ամֆիթատրոնի նեղլիկ սառցապատ ճանապարհները:
Ինչպես հաղորդում է Corriere della Sera-ն, կիրակի առավոտյան, երբ իշխանությունները պատրաստվել են բացել Կոլիզեումը, թանգարանի աշխատակիցը ընկել է, կոտրել ոտքը, ինչի պատճառով էլ հապաղել են բացել այն:
Մյուս պատմական հուշարձանները, որոնք փակվել էին անբարենպաստ եղանակի պատճառով, այսօր դարձյալ բացել են իրենց դռներն այցելուների առաջ: Դրանց թվում են հռոմեական ֆորումը, Պալատինյան բլուրը, Կարակալայի բաղնիքները (դրանցով երթևեկության ճանապարհը որոշ չափով փոխվել է):
Առատ ձյան պատճառով Իտալիայի մայրաքաղաքում հռոմեական իշխանությունները մի քանի օրով հետաձգել են դասերը դպրոցներում և արգելել են քաղաքում երթևեկել մոտոցիկլետով, սակայն այսօր այդ արգելքն էլ է վերացվել:
Կոլիզեումի պատերին հաշվվում է ավելի քան 3000 ճեղք, որոնցից ժամանակ առ ժամանակ կտորներ են քանդվում: Հուշարձանի վերականգնումը պետք է սկսվի 2012 թ. մարտին:
