Կենտրոն և Նորք-Մարաշ վարչական շրջանների առաջին ատյանի դատարանում այսօր շարունակվեց Ճանապարհային ոստիկանության նախկին պետ Մարգար Օհանյանի գործով դատավարությունը: Այն հետաձգվել էր, քանի որ ամբաստանյալ Սամվել Մախմուրյանը ցանկություն էր հայտնել Հանրային պաշտպանի գրասենյակից պաշտպան հրավիրել, բայց սեփական միջոցները չէին բավարարել:
Սակայն այսօրվա նիստում Մախմուրյանը հրաժարվեց պաշտպանից` հայտարարելով, որ կարող է անձամբ իր իրավունքները պաշտպանել:
Ինչևէ, այսօրվա նիստում պետք է ցուցմունք տային ամբաստանյալները, սակայն թե Սամվել Մախմուրյանը, թե Արա Լևոնյանը և թե Ստեփան Կարախանյանը հրաժարվեցին ցուցմունք տալուց և խնդրեցին հիմք ընդունել իրենց նախաքննական ցուցմունքները, ըստ որոնց՝ երեքն էլ իրենց մեղավոր էին ճանաչում ՃՈ նախկին պետին օժանդակելու մեջ:
Այս պահին դատական նիստը շարունակվում է: Մանրամասները կներկայացնենք ավելի ուշ: