Երրորդ տարին անընդմեջ աշխարհի առաջատար ավտոարտադրող է դարձել Չինաստանը: Ինչպես հաղորդում է ITAR-TASS-ը՝ վկայակոչելով մեքենա արտադրողների կորեական ասոցիացիայի տվյալները, չինական ավտոարտադրողները 2011 թ. ընթացքում արտադրել են 18.42 մլն մեքենա: Երկրորդ տեղը զբաղեցնում է Միացյալ Նահանգները, որտեղ արտադրվել է 8.65 ավտոմեքենա, երրորդ տեղում Ճապոնիան է (8.4 մլն), չորրորդում՝ Գերմանիան (6.3 մլն): 5-րդ տարին անընդմեջ Հարավային Կորեան ավտոարտադրողների ցուցակում պահպանում է 5-րդ հորիզոնականը: 2011 թ. ընթացքում այս երկրում արտադրվել է 4.658 մլն ավտոմեքենա, որը 9%-ով գերազանցում է նախորդ տարվա ցուցանիշը:
Անցյալ տարվա համեմատությամբ՝ աշխարհում ավտոմեքենաների արտադրությունն աճել է 3%-ով և կազմել 85.24 մլն մեքենա: