Մանկապղծության համար 15 տարվա ազատազրկման դատապարտված Սերոբ Տեր-Պողոսյանին այսօր առավոտյան վիրահատել են: Մանկապիղծի 2.5 ժամ տևած վիրահատությունը բարեհաջող է անցել: Այս մասին «Առաջին լրատավական»-ին հայտնեց Ա. Միքայելյանի անվան վիրաբուժության ինստիտուտի տնօրեն Արթուր Թամազյանը:
Սերոբ Տեր-Պողոսյանն այս պահին գտնվում է վիրաբուժության ինստիտուտի վերակենդանացման բաժանմունքում, սակայն վիճակը կայուն է, ուռուցքը հաջողվել է հեռացնել: Ամենայն հավանականությամբ մանկապիղծը հիվանդանոցում կմնա ևս 2-3 շաբաթ:
Հիշեցնենք, որ Լոռու մարզի ընդհանուր իրավասության դատարանի կողմից մանկապղծության համար 15 տարի ազատազրկման դատապարտված Սերոբ-Տեր Պողոսյանը Ա. Միքայելյանի անվան վիրաբուժության ինստիտուտ է տեղափոխվել հունվարի 27-ին: Ըստ ավելի վաղ հայտնած տեղեկությունների` մանկապիղծին պետք է վիրահատեին հունվարի 27-ին առավոտյան, քանի որ տառապում է աղիքային քաղցկեղով, ինչի համար նախկինում նա ԱՄՆ-ում բուժվել է: