«Ոսկե գրամոֆոնի» ժամանակ տեղի ունեցած պատահարից անցել է արդեն մեկ ամիս: Այս ամբողջ ընթացքում Ֆիլիպ Կիրկորովը մտածում էր, թե ինչն է դարձել իր ոչ ադեկվատ գործողությունների պատճառը: Նա եկել է այն եզրակացության, որ Մարինա Յաբլոկովային մարմնական վնասներ հասցնելու հետևում կանգնած են չար ուժերը: Վերլուծելով իր հետ տեղի ունեցած բոլոր նման միջադեպերը՝ նա եզրակացրել է, որ այդ ամենի պատճառը իր` 2001թ. «Երեկոները Դիկանկայի մերձակա խուտորում» հայտնի մյուզիքլում սատանայի դերը խաղալն է եղել: Հենց այդ չարաբաստիկ դերից հետո նա հիվանդացավ ջրծաղիկով, ամուսնալուծվեց Պրիմադոննայի հետ, տեղի ունեցավ միջադեպն Իրինա Արոյանի հետ…
Այս բոլոր անհաջողություններից հետո նա գնաց Տիբեթ, որպեսզի ձերբազատվի անհաջողություններից: Որոշ ժամանակ դա օգնեց, սակայն մի քանի տարի անց խաղաց կոմս Դրակուլայի դերը: Ի դեպ, այդ դերը Կիրկորովը խաղացել է Յաբլոկովայի հետ միջադեպից մի քանի օր առաջ:
Անհաջողություններից ձերբազատվելու համար նա մեկնեց Դիվեևո, որտեղ խոնարհվեց սուրբ Սերաֆիմ Սարովսկու աճյունին: Կիրկորովը հստակ որոշում է կայացրել, որ այլևս չի խաղալու չար ուժեր մարմնավորող դեր: