Լոս Անջելեսում «Գրեմմի» երաժշտական ամենամյա մրցանակաբաշխության ժամանակ հարգանքի տուրք է մատուցվել հայտնի երգչուհի և դերասանուհի Ուիթնի Հյուսթոնին, ով մահացել էր նախօրեին: Այս մասին հաղորդում է TMZ.com կայքը:
Մրցանակաբաշխության արարողությունը սկսել է հայտնի ռեփ երգիչ և դերասան Էլ Քուլ Ջեյը. «Մեր ընտանիքում տեղի է ունեցել մեծ դժբախտություն: Մենք մեծ կորուստ ենք կրել` Ուիթնի Հյուսթոն»,- ասել է նա, որից հետո մեծ էկրանին հնչել է Հյուսթոնի հայտնի I Will Always Love You երգը` ոչ պակաս հայտնի «Թիկնապահը» ֆիլմից: