ԼՂՀ նախագահ Բակո Սահակյանը հունվարի 3-ին այցելել է Շուշիի և Քաշաթաղի շրջաններ, որտեղ մասնակցել է նորակառույց տրանսֆորմատորային ենթակայանի բացման արարողությանը և հանդիպում ունեցել համայնքների ղեկավարների հետ: Երկրի ղեկավարը Քաշաթաղի շրջանի Աղավնո-Մելիքաշեն հատվածում մասնակցել է «Սյունիք-1» հիդրոէլեկտրակայանի բացման միջոցառմանը, ինչպես նաև տեղում ծանոթացել «Սյունիք-2» հիդրոէլէկտրակայանի կառուցման աշխատանքներին:
Նույն օրը Բակո Սահակյանը Բերձոր շրջկենտրոնում մասնակցել է նորակառույց բազմաբնակարան շենքի բնակարանամուտի հանդիսավոր արարողությանը:
Այցի վերջում նախագահը Քաշաթաղի շրջանի Մելիքաշեն գյուղում Սանասարի և Աղավնոյի ձորակների համայնքների ղեկավարների հետ հրավիրել է խորհրդակցություն, որտեղ քննարկվել են համայնքների առջև ծառացած հիմնախնդիրներին և դրանց լուծման ուղիներին վերաբերող հարցեր:
