Փետրվարի 18-ին Ճապոնիայի կայսր Ակիհիտոյի սիրտը կվիրահատեն: Նախօրեին 78-ամյա կայսրը հոսպիտալացվել էր կարդիոլոգիական հետազոտությունների համար: Մասնագետները հետազոտման ընթացքում խնդիրներ են բացահայտել` կապված արյան մատակարարման հետ:
Մարտի 11-ի երկրաշարժից և Ֆուկուսիմա-1 –ի վթարից հետ երկրի ղեկավարը, չնայած թույլ առողջական վիճակին, շրջել էր երկրով մեկ, հանդիպել տուժած ընտանիքների հետ
Անցյալ տարի կայսրը հոսպիտալացվեց բրոնխիտի ախտանիշներով: Այնուհետև բժիշկները հայտնաբերեցին թոքերի բորբոքում: Կայսրն իր պարտականությունների կատարմանն անցավ դեկտեմբերի կեսերին, մեկ ամիս բուժում ստանալուց հետո:
Դեկտեմբերի 23-ին լրացել է կայսեր 78-ամյակը:
