Հայտնի երգչուհի Ուիթնի Հյուսթոնի մահը շոկի է ենթարկել երգչուհու երկրպագուներին և շոու-բիզնեսի ներկայացուցիչներին:
Երգչուհու հարյուրավոր երկրպագուներ ամբողջ գիշեր կանգնել են հյուրանոցր առջև, որը շրջափակված է եղել անվտանգության աշխատակիցներով: Հյուրանոցի ներսում, որտեղ շաբաթ երեկոյան նախատեսվում էր անցկացնել երաժշտական երեկույթ, շոու-բիզնեսի տասնյակ աստղեր կազմակերպեցին երգչուհուն նվիրված հիշատակի երեկո:
Հիշեցնենք, որ երգչուհին մահացել էր Բևեռլի Հիլզում գտնվող Բևեռլի Հիլթոն հյուրանոցում, շաբաթ օրը, 48 տարեկան հասակում:
Ինչպես հաղորդում է CNN-ը, Ուիթնի Հյուսթոնի գործընկերները խոստովանել են, որ երգչուհու մահը ցնցել է բոլորին:
«Սա շոկ է բոլորի համար: Մենք քննարկել ենք գալ այսօր երեկոյան հյուրանոց, թե չգալ: սակայն որոշեցինք, որ պետք է հարգենք նրա հիշատակը»,- ասել է Դևիդ Ֆոսթերը:
Երբ միջոցառումը սկսվեց, երգիչ Թոնի Բենեթն առաջարկեց հիշել բոլոր երգիչներին, ովքեր մահացել են վերջին ժամանակներս:
Ինչպես հայտնում է գործակալությունը` երգչուհու երկրպագուները շարունակում են գալ հյուրանոցի մոտ և ծաղիկներ ու վառվող մոմեր դնել հյուրանոցի առջև: