Հրազդանի թիվ 25/1 ընտրատեղամասում մթնոլորտը լարված է. Հանձնաժողովի նախագահ Լյովա Օհանյանը հարձակվում է լրագրողների ու վստահված անձանց վրա:
Lurer.com-ի փոխանցմամբ, այս ընտրատեղամասում մարդիկ քվեարկության են ներկայանում ընտանիքներով: Դիտորդների, վստահված անձանց խնդրանքներին՝ առանձին-առանձին մոտենալ քվեարկելու համար, ավտոբուսներով բերված մարդիկ պատասխանում են, որ ցանկանում են միաժամանակ՝ ընտանիքներով քվեարկել: Հատկանշական է, որ զարմանալի զուգադիպությամբ այդ ընտանիքների անդամների մեծ մասը գանգատվում է տեսողության խնդիրներից ու պահանջում, որպեսզի իրենց քվեախցիկ ուղեկցի այս կամ այն բարեկամը: Տեսողությունից բողոքող այդ մարդիկ, կրկին զարմանալի զուգադիպությամբ, իրենց ակնոցները թողել են տանը:
Թիվ 26/06 տեղամասում մարդկանց թիվն օրենքով սահմանված քանակից ավելին է: