Երբ գա քարոզչության պահը, այն ժամանակ էլ հնարավոր կլինի գնահատել՝ արդյո՞ք բոլոր քաղաքական ուժերի համար են հավասարազոր պայմաններ ստեղծված: «Առաջին լրատվական»-ի հետ զրույցում նման տեսակետ հայտնեց ՀՀԿ խմբակցության ղեկավար Գալուստ Սահակյանը:
«Բնական է՝ այն կուսակցությունները, որոնք ուժեղ են, ավելի մեծ հնարավորություններ ունեն: Այս պահին դեռ քարոզչական շրջան չէ, բայց Հանրապետականը երեկ էլ էր ուժեղ, երեք տարի առաջ էլ: Միաժամանակ նախընտրական շրջանում հավասար մեկնարկային պայմաններ ստեղծելու մասին հնարավոր կլինի խոսել միայն քարոզչական ժամանակաշրջանում»,- ասաց ՀՀԿ պատգամավորը՝ ավելացնելով, որ կուսակցությունների համար ստեղծվելիք հավասար պայմանները պետք է դիտարկել միայն Ընտրական օրենսգրքի շրջանակներում:
