«ՀԺ»-ն գրում է, որ փետրվարի 8-ին հայտարարվել է լեզվի պետական տեսչության պետի թափուր պաշտոնի մրցույթ, որը կկայանա մարտի 13- ին:
«Այդ պաշտոնը 2010-ի փետրվարից ժամանակավոր պաշտոնակատարի կարգավիճակով զբաղեցնում է Սերգո Երիցյանը:
Դիմումների ընդունման վերջնաժամկետը փետրվարի 22-ն է:
ՀՀ ԿԳ նախարարությունից, որի աշխատակազմում է նաև լեզվի պետական տեսչությունը, մեր թղթակիցը փորձել է պարզել` ինչո՞ւ է մրցույթը հայտարարվում այսքան ուշ: Հասարակայնության հետ կապերի և տեղեկատվության վարչությունից ասել են, որ տեսչության կարգավիճակի փոփոխության հարց էր դրված: Ու թեև դա դեռևս տեղի չի ունեցել, որոշվել է մրցույթը հայտարարել»:
Սերգո Երիցյանը երեկ «ՀԺ»-ի թղթակցին չի ասել` մասնակցելո՞ւ է առաջիկա մրցույթին, թե՞ ոչ: Առաջարկել է այդ հարցով դիմել երկուշաբթի: