Լավատեղյակ աղբյուրներից «Ժողովուրդ»-ին հայտնի է դարձել, որ նախօրեին մեկօրյա այցով Մոսկվա է մեկնել «Բարգավաճ Հայաստան» կուսակցության առաջնորդ Գագիկ Ծառուկյանը:
«Ժողովուրդ»-ի տեղեկություններով` երեկ արդեն նա վերադարձել է Երևան:
«ՀՀԿ-ԲՀԿ հակամարտության ֆոնին Ծառուկյանի մոսկովյան այցը, թերևս, պատահական չէ: Ավելին, ենթադրվում է, որ այս այցով նա փորձել է կանխել Բաղրամյան 26-ում նախապատրաստվող կոալիցիոն նոր հուշագրի ստորագրումը: Այնուամենայնիվ, փորձեցինք ԲՀԿ խոսնակ Բաղդասար Մհերյանից պարզել տեղեկությունը: Սակայն Մհերյանը մեզ հետ զրույցում ո՛չ հերքեց, ո’չ էլ հաստատեց լուրերը՝ միայն ավելացնելով որ ինքը տեղյակ չէ»,- հավելում է թերթը:
