Մեծ Բրիտանիան Ֆոլքլենդյան կղզիներ է տեղափոխել ատոմային սուզանավ, որի վրա կարող են լինել միջուկային գլխիկներով հրթիռներ: Այս մասին պնդում են Արգենտինայի իշխանությունները:
Ինչպես հաղորդում է BBC-ն, հղում կատարելով Արգենտինայի արտաքին գործերի նախարար Հեկտոր Թիմերմանին, նրա կառավարությունը տվյալներ է ստացել այն մասին, որ Ֆոլքլենդյան կղզիների մոտ է գտնվում Vaguard տիպի սուզանավ: Թիմերմանը հավելել է, որ Բրիտանիան լարում է իրավիճակը տարածաշրջանում, որը զերծ է միջուկային զենքից: Նա խնդրել է ՄԱԿ-ին միջամտել այս հարցում:
Ի պատասխան՝ Մեծ Բրիտանիայի իշխանությունները հայտնել են, որ չեն մեկնաբանում իրենց միջուկային սուզանավերի տեղաբաշխումը:
Տեղեկացնենք, որ Ֆոլքլենդյան կղզիների հետ կապված Մեծ Բրիտանիայի և Արգենտինայի միջև տարածքային վեճ կա: