Վենեսուելայի նախագահ Ուգո Չավեսն ազգային հեռուստաընկերության ուղիղ եթերում ուրբաթ օրը ցուցադրել է երկրորդ արբանյակի մոդելը, որը Չինաստանի օգնությամբ պետք է Վենեսուելայի կողմից արձակվի մինչև ընթացիկ տարվա վերջը:
«Մենք այն կկոչենք «Միրանդա», ինձ դուր է գալիս այդ անվանումը»,- ասել է Չավեսը:
Ֆրանսիսկո Միրանդան եղել է Հարավային Ամերիկայի իսպանական գաղութներում անկախության համար մղվող պայքարի ղեկավարը, Վենեսուելայի ազգային հերոսներից է և դրոշի ստեղծողը:
Այժմ երկրին մոտ ուղեծրում արդեն իսկ աշխատում է վենեսուելական արբայնակը, որը կոչվում է Սիմոն Բոլիվերի անվամբ. Հարավային Ամերիկայում իսպանական գաղութների ազատության պայքարի ևս մեկ ականավոր մարտիկ: Այն տիեզերք է ուղարկվել 2008 թ.՝ կրկին Չինաստանի տարածքից և կապի, ռադիո և հեռուստահեռարձակման, ինչպես նաև այլ քաղաքացիական նպատակների համար է:
Նոր արբանյակը կզբաղվի հետևելով, այն կգտնվի 639 կմ Երկրի մակերեսից ցածր ուղեծրի վրա: Չավեսը վստահություն է հայտնել, որ Վենեսուելան կկարողանա հասնել Մարսին: «Վենեսուելան դուրս է եկել տիեզերական ճանապարհի վրա, դեռ ոչ ոք չի թռել դեպի Մարս, իսկ Վենեսուելան կթռչի, սա մեր հաջորդ նպատակն է 2030-2040 թվականների համար»,- ասել է Չավեսը:
Նա վստահություն է հայտնել, որ ճանապարհը մինչև Մարս կարող է հաղթահարել նաև Չինաստանը, որն աշխատում է այդ ուղղությամբ: Այս մասին գրում է gazeta.ru-ն: