Լոս Անջելեսի ոստիկանությունն ուրբաթ օրը ձերբակալել է հոգեբուժական հիվանդանոցից փախած տղամարդուն, որը սպառանցել էր, թե կսպանի հայտնի ամերիկյան փոփ երգչուհի Մադոննային: Այս մասին տեղեկացնում է Ассошиэйтед Пресс–ը՝ հղում կատարելով ոստիկանության պաշտոնական ներկայացուցիչ Ռիչարդ Ֆրենչին:
54-ամյա Ռոբերտ Դյուի Հոսկինսը հայտնաբերվել է հիվանդանոցի մոտակայքում, որտեղից փախել էր անցած շաբաթ: Ձերբակալելուց հետո նրան վերադարձրել են հիվանդանոց:
Ոստիկանության տեղեկություններով՝ Հոսկինսը տառապում է ծանր հոգեկան հիվանդությամբ և համարվում է «առավել վտանգավոր շրջապատի համար»:
1996 թ. դատարանը Հոսկինսին դատապարտել էր 10 տարվա ազատազրկման՝ Մադոննային հասցեագրված սպառնալիքների և հետապնդումների համար: Դատարանում երգչուհին հայտարարել էր, որ վախենում է Հոսկինսից, նույնիսկ երբ նա ձերբակալված է:
10 տարվա ազատազրկումից հետո Հոսկինսը կրկին խնդիրներ ունեցավ օրենքի հետ: Նա ձերբակալվեց և դատարանի վճռով ուղարկվեց հոգեբուժարան` պարտադիր բուժման համար: Այս մասին գրում է ria.ru-ն:
