Ինչպես հաղորդում է BBC-ն, թուրք գիտնական Նևզաթ Չևիկն իր երկրի իշխանություններից պահանջել է Իտալիայից հետ վերադարձնել Սանտա Կլաուսի աճյունը: Ինչպես հայտնի է Սանտա Կլաուսի նախատիպը դարձած Սուրբ Նիկոլայի աճյունը թաղվել է 3-րդ դարում, հին հունական Միրա քաղաքում` այժմյան Դեմրե, այնուհետև նրա աճյունը տեղափոխվել է իտալական Բարի, երբ տեղի առևտրականները գնել են այն և վերաթաղել իրենց քաղաքում: Թուրքական կառավարությունից հայտնել են, որ կքննարկվի իտալական իշխանություններից աճյունը հետ պահանջելու խնդիրը:
Դեմրե քաղաքում Սանտա Կլաուսին երկրպագում են, թեպետ նրա աճյունն այս քաղաքում չէ: Իսկ հատուկ զբոսաշրջիկների համար այստեղ տեղադրված է Սանտա Կլաուսի հսկայական արձանը: