Լեդի Գագան հայտնի է իր երաժշտության և հագուստի շնորհիվ, բայց նա նաև առաջին երգիչն է, ով իր համերգների ժամանակ օգտագործում է մի նոր տեխնոլոգիա, որի նպատակն է վերափոխել կենդանի կատարումների մասին մեր պատկերացումները:
Daily Mail-ը գրում է, որ իր Monsters Ball շրջագայության ժամանակ նա առաջին անգամ օգտագործել է Sonic Notify-ի կողմից ստեղծված արտադրանքը, որը հանդիսատեսի սմարթֆոններին ազդանշան է ուղարկում՝ նրանց այնուհետև տեղեկացնելով տարբեր ինտերնետային կայքերի կամ նկարների մասին: Այն նաև կարող է հանդիսատեսին հնարավորություն տալ քվեարկել այդ պահին հնչող երգի համար:
Ազդանշանը հետաքրքիր ձևով գտնվում է հենց երգի մեջ, և Sonic Notify-ի ծրագիրը կարողանում է անմիջապես այն գտնել:
