Միչիգանի համալսարանի ուսումնասիրողները հայտնաբերել են, թե ինչու են լավագույնն ու ամենահամեղը մարդիկ թողնում վերջում, և ինչու է այն իրոք այդպես թվում: Փորձագետները գտնում են, որ երբ մարդը գիտի, որ ինչ-որ բան շուտով կավարտվի, դա տալիս է լրացուցիչ «մոտիվացիա»:
Հետազոտության ղեկավար Էդ Օ’Բրայենն ասել է, որ մենք սովոր ենք սպասել, որ ավարտը երջանիկ կլինի:
Հոգեբանների փորձարկումներին մասնակցել են 52 ուսանողներ` աղջիկներ և տղաներ: Հետազոտողները նրանց հյուրասիրել են տարբեր համերի շոկոլադի փոքր կտորներ, այնուհետև հարցրել են, թե որն ավելի շատ դուր եկավ: Ընդ որում՝ կամավորների մի խմբին մինչև վերջին կտորը տալը զգուշացրել են, որ դա վերջինն է: Պարզվել է, որ հենց այդ խմբի ներկայացուցիչներին էլ ամենից շատ դուր է եկել շոկոլադի վերջին կտորը: Այս մասին հաղորդում է ТСН–ը՝ հղում կատարելով The Telegraph-ին:
Միաժամանակ գիտնականները նշում են, որ «վերջինը լավագույնն է» հասկացությունը կարող է դրսևորվել այնպիսի իրավիճակներում, ինչպես օրինակ աշխատանքի ընդունման համար անցկացվող հարցազրույցը: Այս մասին գրում է Комсомольская правда-ն: