Ռուսաստանի, Ուկրաինայի, Բելառուսի, Մոլդովայի, Վրաստանի քաղաքացիները 2011 թվականի հունվարի 1-ից կարող են աշխատել Լեհաստանում` առանց աշխատանքի թույլտվության, այս մասին հայտնել է РИА Новости-ն:
Դեկտեմբերի կեսին Լեհաստանի աշխատանքի նախարար Իոլանտա Ֆեդակը ստորագրել է համապատասխան կարգադրություն, համաձայն որի` այդ պետությունների քաղաքացիները կարող են աշխատել Լեհաստանում գործատուի կողմից տրված հաստատող փաստաթղթի հիման վրա: Այժմ ռուսները, բելառուսները, ուկրաինացիները, մոլդովացիները և վրացիները աշխատանքի թույլտվության համար անհրաժեշտ փաստաթղթեր չեն ձևակերպի, գործատուն պետք է հայտնի այդ երկրներից որևէ քաղաքացու աշխատանքի անցնելու մասին Աշխատանքի վարչությանը` այնտեղ էլ գրանցելով օտարերկրացու դիմումը աշխատանքի վերաբերյալ: