Հնդկաստանի վարչապետը դիմադրում է Իրանի նկատմամբ պատժամիջոցներ սահմանելու՝ ԱՄՆ-ի և ԵՄ-ի ճնշումներին` պնդելով, որ անհանգստությունները վերացնելու լավագույն միջոցը դիվանագիտությունն է:
Ըստ Associated press-ի՝ Վաշինգտոնն ու նրա դաշնակիցները ցանկանում են, որ Հնդկաստանը նվազեցնի Իրանի նավթից ունեցած իր կախվածությունը: Նոր Դելին Իրանից նավթի մեծ քանակությամբ ներկրումներ է անում: Ինչպես արդեն հաղորդել էինք, արևմտյան երկրները կարծում են, որ Իրանն օգտագործում է նավթի վաճառքից ստացված եկամուտները՝ իր միջուկային ծրագիրը զարգացնելու և հավանաբար միջուկային զենք ստեղծելու համար:
Հնդկաստանի վարչապետ Մանմոհան Սինգհը, սակայն, այսօր լրագրողներին ասել է, որ խնդիրներ են եղել՝ Իրանի միջուկային ծրագրի հետ կապված, բայց իրենք հավատում են, որ այս խնդիրը լուծում կստանա միայն դիվանագիտության միջոցով:
