Էներգետիկայի միջազգային գործակալությունը հայտնել է, որ Իրանի նկատմամբ կիրառված պատժամիջոցներն արդեն վատ ազդեցություն են ունենում նավթի համաշխարհային առևտրի վրա` չնայած Իսլամական Հանրապետությունից նավթ ներկրելու եվրոպական արգելքը չի գործադրվելու մինչև հուլիս:
Reuters-ը հաղորդում է, որ Էներգետիկայի միջազգային գործակալությունն ասել է, թե պատժամիջոցները, որոնք սահմանվել են Վաշինգտոնի և եվրոպական երկրների կողմից՝ Թեհրանի միջուկային ծրագիրը դադարեցնելու նպատակով, կարող են մեծ ազդեցություն ունենալ օրական 600.000 բարել նավթի վրա, որն անցած տարի վաճառվում էր ԵՄ-ին:
Գործակալությունը նաև հայտնել է, որ տնտեսագետների հաշվարկներով՝ Իրանի օրական 2.6 միլիոն բարելից 1 միլիոնի արտահանումները պետք է փոխարինվեն այլընտրանքային մատակարարմամբ։