Երգչուհի Լեդի Գագան գործարկել է հատուկ սոցիալական ցանց: Այս մասին նշված է The Wrap կայքում: Ծառայությունը կրում է LittleMonsters անվանումը: Հենց այդպես (Փոքրիկ հրեշ) է երգչուհին սիրում կոչել իր երկրպագուներին:
Ներկայում LittleMonsters.com կայքը գտնվում է թեստավորման փուլում: Ցանկացողները, կայքում գրելով էլ. փոստի հասցեն, կարող են մասնակցել թեստավորմանը: Դրանից հետո նրանց փոստը կստանա կայքում գրանցվելու հրավեր:
Թեստավորումը հաջողությամբ անցած օգտատերերի խոսքերով`իր ֆունկցիոնալությամբ LittleMonsters.com-ը համեմատելի է Pinterest սերվիսի հետ:
Ռեսուրսի գրանցված օգտատերերը կարող են միմյանց փոխանակել երգչուհու լուսանկարները, տեսահոլովակները և այլն:
2012 թ. ապրիլին Լեդի Գագան մտադիր է համերգային շրջագայության մեկնել, որը կմեկնարկի Սեուլում: Առայժմ հայտարարված է 11 համերգի մասին: Սակայն երգչուհու պաշտոնական կայքում նշված է, որ Born This Way Ball անվանումով շրջագայությունը կավարտվի 2013 թ.: Մյուս ելույթների մասին կհայտարարվի ավելի ուշ: