Պանամայի նախկին բռնակալ Մանուել Նորյեգային դուրս են գրել հիվանդանոցից և նորից տեղափոխել բանտախուց: Այս մասին հաղորդում է Associated Press գործակալությունը` հղում կատարելով Պանամայի առողջապահության նախարար Ֆրանկլին Վերգարային:
Նորյեգան հիվանդանոց էր տեղափոխվել փետրվարի 6-ին: Սակայն ուղեղի արյունազեղման տեղեկությունը չի հաստատվել, պարզապես բարձրացել էր նրա արյան ճնշումը, որի հետևանքով երկրի նախկին ղեկավարն ուշագնաց էր եղել:
Հիշեցնենք, որ Նորյեգան ձերբակալվել էր այդ երկիր ամերիկյան ներխուժման ժամանակ` 1990թ.-ին, իսկ 1992թ.-ին նրան դատապարտել էին 40 տարվա ազատազրկման` շորթման մեղադրանքով: Ավելի ուշ դատավճիռը մեղմացվել էր մինչև 17 տարի: Դրանից հետո Նորյեգային արտահանձնել էին Ֆրանսիա, որտեղ նրան դատապարտել էին 2,3 մլն եվրո «լվանալու» համար:
2011թ.-ից Նորյեգան գտնվում է Պանամայի բանտում, որտեղ նրան մեղադրում են 1985թ.-ին իր քաղաքական մրցակիցներից մեկին սպանելու մեջ:
