«Ժողովուրդ»-ը գրում է, որ Կոտայքի մարզկենտրոն Հրազդան քաղաքի քաղաքապետ, ՀՀԿ-ական Արամ Դանիելյանն իր ղեկավարած 10 տարիների ընթացքում միլիոններ է «դիզել»:
Թերթի հավաստի տեղեկություններով` Դանիելյանը վերջերս բնակարան է գնել Ֆրանսիայում և Ամերիկայի Միացյալ Նահանգներում` հայտնի «հարուստների թաղամասում»` Բևերլի Հիլզում:
«Իհարկե, կարելի է պատկերացնել, թե ինչ գումարներով է Հայաստանում գոյություն ունեցող մի քաղաքի քաղաքապետն արտասահմանում երկու տուն գնել, բայց ուշագրավ են պաշտոնական բացահայտումները: Դեռևս 2010-ին ՀՀ նախագահի վերահսկողական ծառայության պետ Հովհաննես Հովսեփյանի հրապարակած տվյալներով` Հրազդանի քաղաքապետարանը պետությանը հասցրել է 19,1 մլն դրամի վնաս, և միայն տանիքների վերանորոգման մասով քաղաքապետարանում հայտնաբերվել են 27,7 մլն դրամի յուրացման փաստեր:
Այս թվերը բացահայտումների միայն մի մասն են»,- հավելում է թերթը:
