«Ժողովուրդ»-ի լավատեղյակ աղբյուրներից նախօրեին հայտնի է դարձել, որ աշխատանքից ազատվել է ՎՏԲ բանկի տնօրեն Վալերի Օվսյաննիկովը, քանի որ ռուսաստանյան ղեկավարները դժգոհ են նրա աշխատանքից:
«Մեկ օր «Ժողովուրդ»-ի զանգն անպատասխան թողնելուց հետո երեկ ՎՏԲ բանկից հաստատեցին մեր լուրը` ճշտումով, որ տնօրենը ոչ թե ազատվել է, այլ ինքնակամ հեռացել` այլ աշխատանք կատարելու:
«Փետրվարի 1-ից ՎՏԲ բանկի տնօրեն, տնօրինության նախագահի ժամանակավոր պաշտոնակատար է նշանակվել Յուրի Գուսևը, ով 2009թ.-ից զբաղեցնում էր բանկի ֆինանսական տնօրենի պաշտոնը: Թեև բանկը տնօրենի հեռացման վերաբերյալ այլ մանրամասներ մեզ պաշտոնապես չհաղորդեց, այնուամենայնիվ մեր աղբյուրները տեղեկացնում են, որ Օվսյաննիկովը հեռացվել է աշխատանքից` Հայաստանում ռուսական մի շարք կարևոր ծրագրեր չֆինանսավորելու համար»,- հավելում է թերթը: