Հարավային Օսեթիայի նախագահի նախկին թեկնածու Ալլա Ջիոևան կաթված է ստացել, բայց նրա կյանքին վտանգ չի սպառնում: Այս մասին բժիշկները հայտնել են նրա հարազատներին:
Նրանց խոսքերով՝ Ջիոևան կաթված է ստացել, անշարժացել է մարմնի ձախ հատվածի մի մասը, բայց մի քանի ժամ հետո նրա առողջությունը կվերականգնվի:
Այժմ Ջիոևայի կողմնակիցները հավաքվել են հիվանդանոցի մոտ:
Հիշեցնենք, որ հինգշաբթի երեկոյան քննիչները ներխուժել են Ջիոևայի շտաբ, նրան տարել սկզբում հարցաքննության, ապա՝ հիվանդանոց:
Ընտրական շտաբի աշխատակիցներից մեկի վկայությամբ՝ իրավապահ մարմիններն ուժեղ հարվածել են կնոջ գլխին, ինչից հետո նա կորցրել է գիտակցությունը:
Ցխինվալում ձերբակալվել է նաև Ջիոևայի ամուսինը: