Վախճանվեց անվանի էներգետիկ Արա Մելքոնյանը

2011 թ. Առաջին օրը հանկարծամահ եղավ Հայաստանի էներգետիկ համակարգի լավագույն մասնագետներից մեկը` Արա Արմենակի Մելքոնյանը:
Ա.Մելքոնյանը ծնվել է 1953 թ. Ապրիլի 28-ին Երևանում, ինժեների ընտանիքում:
1975 թ. Ավարտելով Երևանի պոլիտեխնիկական ինստիտուտը ինժեներ-էլեկտրիկի մասնագիտությամբ, նա աշխատանքի է ընդունվում Հայգլխէներգիայի Գլխավոր էներգացանցում, ուր անցնում է աշխատանքային բոլոր աստիճանները` ինժեներից մինչև գլխավոր տնօրենի տեղակալ:
1997-իցմինչև 2000 թթ. Նա եղել է Կենտրոնական էլեկտրոցանցի մասնաճյուղի տնօրեն:
2000-ից 2004 թթ. Արա Մելքոնյանը հանդիսացել է ՀՀ էներգետիկ համակարգի կարևորագույն օղակներից մեկի` “Հայէներգո” -յի գլխավոր տնօրենի խորհրդական, այնուհետ` տեղակալ:
2004-2005 թթ. Ա.Մելքոնյանը “Սյունէներգոշին” ՓԲԸ Գլխավոր տնօրենի, իսկ 2006-2007 թթ. Տեխնիկական տնօրենի տեղակալն էր: 2007 թ. Հունիսի 1-ից մինչև կյանքի վերջ Արա Մելքոնյանը աշխատեց որպես ՀՀ էլեկտրացանցեր ՓԲԸ “Երևան 35-110 կվտ ցանցերի շահագործման” մասնաճյուղի տնօրեն:
2010 թ. նա արժանացել է “Հայաստանի էլեկտրական ցանցեր” ՓԲԸ “Մասնաճյուղի լավագույն տնօրեն” անվանակարգով տրվող`”Դանկո” պատվավոր մրցանակի:
Իր ողջ գիտակցական կյանքը Ա.Մելքոնյանը անմնացորդ նվիրեց սիրված աշխատանքին, այդ դժվարին և պատասխանատու բնագավառում հասնելով ակնառու հաջողությունների: Անուրանալի է Արա Մելքոնյանի վաստակը մեր երկրի էներգետիկ համակարգի զարգացման գործում: Ա.Մելքոնյանի պրոֆեսիոնալիզմը և խորը գիտելիքները հատկապես առժևորվեցին 90-ականների ծանր տարիներին, երբ նա կարողացավ իր գործընկերների հետ միասին չափազանց բարդ պայմաններում ապահովել հնարավորին էներգամատակարարումը մեր համերկրացիների համար:
Աշխատանքային գործունեության բոլոր փուլերում Արա Մելքոնյանը աչքի է ընկել որպես բանիմաց, խորը և բազմազան գիտելիքների տեր մասնագետ, որը շնորհիվ նաև իր փայլուն մարդկային արժանիքների վայելում էր բոլոր գործընկերների խորին հարգանքն ու սերը: Արա Մելքոնյանը ընտանիքի հրաշալի հայր էր, որդի և ամուսին, սիրված իր հսկայական շրջապատի կողմից: Նրա մահը անդառնալի կորուստ է թե’ հարազատների, թե’ գործընկերների համար:
Մեր երկրի էներգետիկ համակարգը կորցրեց իր ամենահմուտ և նվիրված մշակներից մեկին: Արա Մելքոնյանի, անզուգական անձնավորության, համով-հոտով ու սրամիտ ընկերոջ և փայլուն մասնագետի պայծառ կերպարը միշտ վառ կմնա նրան ճանաչող ների սրտերում: