Նատալի Փորթմանը կնկարահանվի ռեժիսոր Տերենս Մալիքի նոր՝ «Ասպետների գավաթ» ֆիլմում: Այս մասին հաղորդում է SlashFilm պորտալը:
Բացի Փորթմանից՝ ֆիլմում կնկարահանվեն Քեյթ Բլանշեթը և Քրիստիան Բեյլը, ընդ որում՝ վերջինս, ամենայն հավանականությամբ, կմարմնավորի գլխավոր հերոսին:
Բացի այդ, հայտնի է, որ «Ասպետների գավաթում» կնկարահանվի Իզաբել Լուկասը, ով հայտնի է դարձել Ալիսայի դերակատարման շնորհիվ` Transformers: Revenge of the Fallen, 2009 ֆիլմի 2-րդ մասում:
Քանի որ ռեժիսորը ավանդաբար հրաժարվում է շփվել լրագրողների հետ`ֆիլմի հետ կապված ցանկացած մանրամասն հնարավոր չէ ժխտել կամ հաստատել:
Տերենս Մալիքը, ով 30 տարվա ընթացքում ընդամենը երեք ֆիլմ է թողարկել, այժմ կարծես նպատակադրվել է լրացնել բաց թողածը և տարեկան մեկ ֆիլմ է թողարկում:
«Կյանքի ծառը» (The Tree of Life) ֆիլմի համար Կաննում գլխավոր մրցանակ ստանալուց անմիջապես հետո, ռեժիսորը արդեն հասցրել է ավարտել աշխատանքային անվանումով մի ֆիլմ`«Հուղարկավորում» (The Burial), որը էկրաններին կհայտնվի 2012-ին: Այդ ֆիլմում նկարահանվել են Բեն Աֆլեկը, Ռեյչել Մակադամսը, Ռեյչել Վայսը, Հավյեր Բարդեմը, Մայքլ Շինը և Օլգա Կուրիլենկոն:
Եվս մեկ նոր ֆիլմ՝ «Առանց օրենքի» (Lawless), Մալիքը պլանավորում է սկսել արդեն 2012 թ. սեպտեմբերին: «Աղջիկը վիշապի դաջվածքով» (The Girl with the Dragon Tattoo) ֆիլմում բացի աստղ Ռունի Մարիից կնկարահանվի նաև Ռայան Գոսլինգը, Քրիստիան Բեյլը, Հեյլի Բեննեթը և Քեյթ Բլանշեթը:
