Շուտով ԱՄՆ-ում կբացվի ամերիկյան քանթրի երաժիշտ և կիթառահար Ջոննի Քեյշի երկու նոր թանգարան` ի պատիվ նրա 80-ամյակի, բացի այդ, կրկին կթողարկվեն նրա մի քանի ձայնասկավառակներ,- տեղեկացնւմ է NME.com-ը:
Ջոննի Քեյշի հոբելյանը նշվելու է փետրվարի 26-ին:
Թանգարանի համար հիմնադրամը բացվել է անցյալ ամռանը Դայեսս (Dyess) քաղաքում, որտեղ երաժիշտն իր մանկությունն է անցկացրել: Այն տանը, որտեղ ապրել է երգիչը, կտրվի 30-ական թվականների տեսք:
Երկրորդ թանգարանը կբացվի ԱՄՆ-ի Տեխաս նահանգի Նեշվիլլ քաղաքի հիմնական տուրիստական փողոցներից մեկում: Թանգարանում կցուցադրվեն նաև Քեյշի անձնական իրերից: Բացի այդ, աշխատանքներ են տարվում երաժշտության մասին երեք վավերագրական ֆիլմերի վրա:
Քեյշը ամենահայտնի քանթրի երաժիշտներից մեկն է, նրա աշխատանքները մինչ այժմ շարունակում են ազդեցություն գործել ժամանակակից մշակույթի վրա: Ամբողջ աշխարհում վաճառվել է Քեյշի ձայնասկավառակների ավելի քան 50 միլիոն օրինակ:
Երաժշտի մասին պատմող «Walk the line» ֆիլմը արժանացել է տարբեր մրցանակների, այդ թվում՝ նաև «Օսկար»-ի:
Ջոննի Քեյշը բազմաթիվ մրցույթների հաղթող է, նա արժանացել է նաև միջազգային Grammy պարգևին է: Երաժիշտը մահացել է 2003 թ. 71 տարեկան հասակում դիաբետ հիվանդությունից,- տեղեկացում է RIA-Novosti-ն: