Քաղաքագետ Երվանդ Բոզոյանը 2011 թվականին ֆորսմաժորային իրավիճակների ստեղծման հավանականությունը մեծ է համարում. «Պարզ է, որ 2011 թվականին բոլորը պատրաստվելու են 2012-ի խորհրդարանական ընտրություններին, և 2011-ը բավականին վճռորոշ դեր կարող է ունենալ Հայաստանի հետագա զարգացման համար: Իսկ արտաքին քաղաքականության առումով որևէ լուրջ փոփոխություն չեմ ակնկալում և չեմ էլ տեսնում, որ որևէ իրավիճակ կստեղծվի փոփոխությունների համար: Միայն պետք է նշեմ, որ Լեռնային Ղարաբաղի հարցում ես վտանգավոր միտումներ եմ տեսնում և հնարավոր է՝ ֆորսմաժորային իրավիճակներ լինեն, անգամ չեմ բացառում, որ կարող է պատերազմ լինել, որովհետև, ըստ էության, ադրբեջանական դիվանագիտությունն ամեն ինչ արեց միջազգային մի շարք կառույցներում հաջողություններ գրանցելու համար»:
Չնայած 2011 թ. համար ոչ լավատեսական կանխատեսումներին՝ Երվանդ Բոզոյանը հայ ժողովրդին մաղթեց, որ 2011-ը լինի խաղաղ և առանց կորուստների տարի: