«ՀԺ»-ն գրում է, որ երեկ երեկոյան Գեղարքունիքի մարզի Զոլաքար գյուղում սարսափելի դեպք է տեղի ունեցել:
«Երկուսուկեսամյա Էդգար Ստեփանյանը բազկաթոռի թիկնակի վրայից գլխիվայր ընկել է և հիվանդանոցի ճանապարհին մահացել»:
Զոլաքարի գյուղապետ Արման Ղազարյանը երեկ թերթին հայտնել է, որ տեղի ունեցածը պատահականություն էր. «Փորձանք էր, որ եկավ խեղճ մարդկանց վրա: Նրանք մեծ ընտանիք են: Բացի տղայից, չորս տարեկան աղջիկ ունեն, ընտանիքում հայրն է, մայրը, տատն ու պապը: Դեպքն ուղղակի պատահականություն է եղել, եթե չեմ սխալվում` ընտանիքի անդամներն այդ ժամանակ տանն են եղել»:
Տեղի ունեցածի կապակցությամբ ոստիկանությունում նյութեր են նախապատրաստվում»,- հավելում է թերթը: